沙地優秀童謠

沙地童謠已然是一種消逝的沙地聲音它代表着沙地人一個時代的記憶,同時也代表着一種地方特有的地方文化。

沙地優秀童謠一

哭作精,變死精,一跑跑到南橋門。

橋門對仔南,拾着一隻壇。

壇口堆得高,拾着一隻葫蘆瓢。

瓢嘸得柄,拾着一根秤。

秤嘸得砣,拾得一面鑼。

鑼嘸得邊,拾着一隻盤。

盤嘸得夾,拾得一隻鴨 。

鴨嘸得頭,拾得一頭牛。

牛嘸得角,拾得一間屋。

小寶寶蹲在屋裏勿要哭。

沙地優秀童謠二

牽磨嘰格喂，牽撥啥人吃‍?

牽給郎郎吃。郎郎吃仔看黃牛。

黃牛跌在池坑裏，一根蘆頭豁(挑)勿起。

兩根蘆頭豁在當頭頂，三根蘆頭豁到半天裏!

沙地優秀童謠三

鯉魚產籽肚裏痛,

"鯿絲條"幫伊請郎中,

"汪哥郎"幫伊打幹針,

"鰟鮍郎"哭來眼睛紅。

沙地優秀童謠四

東界馬來,西界牛來,隔壁屋裏大姐轉來。

吃點啥麼?吃點鹽齏燒蝦,踏煞老鴉。

老鴉告狀，告撥和尚，和尚唸經，

念撥觀音，觀音賣布，賣給姐夫，

姐夫關門，關着一隻蒼蠅，蒼蠅掃地，

掃着一隻挖釵(讀義)，挖釵扒灰,

扒着一隻烏龜,烏龜放屁,放了一地,

夜來公公(爺爺)轉來掃地。